बैंक अफ काठमाण्डू Bank of Kathmandu Limited का ग्राहकले दराजको दशैं धमाका योजनामा २० प्रतिशतसम्म छुट पाउने भएका छन् । बैंक अफ काठमाण्डूको डेबिट तथा क्रेडिट कार्ड प्रयोग गर्ने ग्राहकले दराजको दशैं धमाका योजनामा २० प्रतिशतसम्म छुट पाउने भएका हुन् ।
दराजबाट सामान खरिद गरी अनलाइन माध्यममार्फत प्रीपेमेन्ट गर्दा बैंकको डेबिट कार्ड प्रयोग गरे २० प्रतिशत वा अधिकतम २ हजारसम्म र क्रेडिट कार्ड प्रयोग गरे २० प्रतिशत वा अधिकतम २५ सयसम्म छुटको पाईनेछ ।
दशैंलाई लक्षित गरी दराजले असोज १० गतेदेखि दशैँ धमाका योजना ल्याएको हो ।
बैंक अफ काठमाण्डूले हाल ९० शाखा, ८१ एटिएम र १० एक्स्टेन्सन काउन्टरमार्फत सेवा दिँदै आएको छ ।
