चाडपर्वको बेला उपभोक्तालाई अझ सहज होस् भन्ने उदेश्यले सरकारले खसीबोका र च्याङग्रा खरिदमा अझ सहुलियत दिएको छ । उद्योग वाणिज्य तथा आपूर्ति मन्त्रालयले बिहिबार साँझ मूल्य घटाएको हो ।
मन्त्रालयका अनुसार अब जिउँदो खसीको मूल्य प्रति किलो ६७०/- बाट खटाएर प्रतिकिलो ६५०/- र च्याङग्रा प्रतिकिलो १२५०/- बाट घटाएर प्रति किलो १२२५/- कायम गरिएको छ। मन्त्रालयका अनुसार यो छुट शुक्रबारदेखि लागु हुने छ ।
खाद्य व्यवस्था तथा व्यापार कम्पनीले दसैँका लागि मङ्गलबारदेखि खसीबोका तथा च्याङ्ग्रा बिक्री गरिरहेको छ । कम्पनीले कम्पनीको थापाथलीस्थित बागमती प्रादेशिक कार्यालयबाट खसीबोका तथा च्याङ्ग्रा बिक्री गरिरहेको छ ।