आज बिहिबार सुनको भाउ बढेको छ । बुधबार तोलाको ९२ हजारमा कारोबार भएको छापावाला सुनको भाउ आज तोलामा ५ सयले बढेर प्रतितोला ९२ हजार ५ सय रुपैयाँ पुगेको छ ।
तेजाबी सुनको भाउ पनि तोलामा ५ सयले नै बढेर प्रतितोला ९२ हजारमा कारोबार भईरहेको छ ।
आज चाँदीको भाउ पनि तोलामा २० रुपैयाँले बढेर तोलाको १२ सय ५५ रुपैयाँ पुगेको छ ।
नेपाल सुनचाँदी व्यवसायी महासंघले आज प्रति १० ग्राम छापावाला सुनको भाउ ७९ हजार ३०५ रुपैयाँ, प्रति १० ग्राम तेजावी सुनको भाउ ७८ हजार ८ सय ७५ रुपैयाँ र प्रति १० ग्राम चाँदीको भाउ १ हजार ७६ रुपैयाँ कायम गरेको छ ।
