नेपाल चिकित्सक संघले कोरोना संक्रमित भएका र नभएका बिरामीलाई एउटै अस्पतालमा नराख्न आग्रह गरेको छ। निजी तथा सामुदायिक अस्पतालले कोरोना संक्रमितको उपचारका लागि २० प्रतिशत बेड छुट्याउनुपर्ने निर्णय सरकारले गरेसँगै संघले यस्तो आग्रह गरेको हो ।
संक्रमित भएका र नभएका बिरामीलाई एकै आस्पतालमा राख्दा देशभरका स्वास्थ्य संस्था संक्रमणको केन्द्र बन्न सक्ने भन्दै संघले सरकारलाई निर्णय सच्याउन आग्रह गरेको हो । संघले संक्रमित भएका बिरामीहरुका लागि छुट्टै कोभिड डेडिकेटेड अस्पताल र अन्य बिरामीहरुका लागि नन-कोभिड अस्पताल छुट्याउन सरकारसंग आग्रह गरेको छ ।
संघले आज एक बिज्ञप्ति जारि गर्दै कोभिड र नन-कोभिडका बिरामीका लागि छुट्याएर उपचार गर्दा चिकित्सक तथा स्वास्थ्यकर्मीहरुको जनशक्ति, आवश्यक सुरक्षाका सामग्रीहरुको समेत बढी खपत हुने र राज्यलाई थप आर्थिक भारसमेत पर्न जाने उल्लेख गरेको छ ।
साथै संक्रमित भएका र नभएकालाई एकै स्वास्थ्य संस्थामा राख्दा उपचारमा संलग्न हुने सक्षम जनशक्तिकै अभाव भएर भयावह स्थिति सिर्जना चेतावनी समेत संघले दिएको छ ।
