काठमाडौँ उपत्यकामा वायु प्रदूषण बढेपछि स्वास्थ्य मन्त्रालयले सावधानी अपनाउन भनेको छ । स्वास्थ्य आपतकालिन तथा विपद व्यवस्थापन इकाईले राजधानीमा वायु प्रदूषण बढेपछि मर्निङवाकमा समेत ननिस्कन अनुरोध गरेको हो ।
एक अपिल जारी गर्दै इकाईले मर्निङवाकमा जाने वा घरबाहिर निस्केर शारीरिक व्यायाम गर्ने काम केही दिनका लागि रोक्न अनुरोध गरेको हो । घरबाट निस्कनै पर्ने अवस्था आएमा धुलो धुँवा शरीरमा प्रवेश नगर्ने गरी मास्क लगाउन र कोरोनाका लागि तोकिएको जनस्वास्थ्य मापदण्ड पालना गर्न अनुरोध गरिएको छ ।
धुलो उड्ने खालका निर्माण कार्यहरु केही दिनका लागि रोक्न पनि स्वास्थ्य मन्त्रालयले अनुरोध गरेको छ । 
