अब सय बेड भएका सामुदायिक तथा निजी अस्पतालले अक्सिजन प्लान्ट जडान गर्नुपर्ने भएको छ । स्वास्थ्य मन्त्रालयले कम्तीमा सय बेड भएका अस्पतालले १५ दिनभित्र अक्सिजन प्लान्ट जडान गर्नुपर्ने बताएको हो ।
स्वास्थ्य मन्त्रालयमा बुधबार बसेको स्वास्थ्य आपतकालिन कार्य संचालन केन्द्रको बैठकले अक्सिजन प्लान्ट जडान गर्न र जडान गरेको जानकारी मन्त्रालयमा गराउन निर्देशन दिने निर्णय गरेको प्रवक्ता जागेश्वर गौतमले जानकारी दिए ।
अक्सिजन अभावमा मृत्यु हुने कोभिड संक्रमितको संख्या बढेसँगै यस्तो निर्णय गरिएको प्रवक्ता गौतमको भनाई छ ।
