अपि पावर लिमिटेडले परिक्षणको लागि एक मेगावाटको भए पनि हाइड्रोजन उर्जा उत्पादन गर्ने भएको छ। बिजपाटीसँग कुरा गर्दै कम्पनीका प्रबन्ध निर्देशक संजिव न्यौपानेले हाइड्रोजन उत्पादन गर्नको लागि अध्ययन गरिरहेको र साइट पनि खोजिरहेको बताए । हाइड्रोजन बहुउपयोगी भएकोले निकट भविष्यमा १ मेगावाट भए पनि हाइड्रोजन उर्जा उत्पादनको तयारीमा अपि पावर रहेको उनको भनाई छ ।
त्यस्तै उनले हकप्रदबाट संकलन भएको रकम आयोजनाको ऋण तिर्न प्रयोग गर्ने र ऋण तिरिसकेपछि सबै फाइदा लगानीकर्ताले नै पाउने भएकोले हाइड्रोमा गरिएको लगानीलाई दिर्घकालिन रुपमा हेर्नु पर्ने बताए ।
सरकारले निजि क्षेत्रलाई पनि विद्युत ब्यापारको लाईसेन्स दिनु पर्ने र विद्युत ब्यापारको लाईसेन्स दिएपछि विद्युत खरिद गर्ने खरिदकर्ता खोज्ने कामको नेतृत्व गर्न अपि पावरले गर्ने उनले बताए । भारतले कहाँ र कसरी बिजुली खरोद गर्छ भन्ने आफुलाई थाहा भएकोले आफै भारत गएर नेपालको बिजुली भारतमा बेच्ने व्यवस्था गर्ने उनले बताए । तर सरकारले नीतिगत व्यवस्था गरिदिनु पर्ने उनको भनाई छ ।
त्यस्तै उनले हाइड्रोपावरमा पनि मर्जर आवश्यक भएको बताएका छन्। मर्जर गरेर हाइड्रोको बिग प्लेयर एकठाउँमा आउनु पर्ने उनको भनाई छ । अपि पावर मर्जरको लागि खुला रहेको तर शेयरधनीलाई फाइदा पुग्ने गरि मात्र मर्ज हुनु पर्ने उनले बताए ।
हेर्नुस् उनीसँगको कुराकानी ।