साताको अन्तिम कारोबार दिन बिहीबार आज शेयर बजार परिसुचक नेप्से दोहोरो अंकले बढेको छ । आज नेप्से सुचक ११.७३ अंकले बढेर १ हजार ८ सय ५२.७७ को बिन्दुमा बजार बन्द भएको छ ।
नेप्सेका अनुसार आज १७५ कम्पनीको शेयर मुल्य बढेको छ भने १५७ कम्पनीको घटेको छ र ८ कम्पनीको शेयर मुल्य स्थिर छ ।
यसदिन २९९ कम्पनीको शेयर किनबेच हुँदा २ अर्ब ७९ करोडको शेयर किनबेच भएको छ । आज नेप्सेमा नेपाल रि इन्स्योरेन्सको सर्वाधिक शेयर किनबेच भएको छ । कम्पनी एक्लैको संस्थापक शेयर ८६ करोडभन्दा बढी भएको छ । त्यसैगरी सिटीजन लाईफ इन्स्योरेन्सको ९ करोड ५४ लाख रुपैयाँ बढीको शेयर कारोबार भएको छ भने सोनापुर मिनरल्सको ९ करोड २७ लाख रुपैयाँ बढीको शेयर किनबेच भएको छ ।
त्यस्तै सबैभन्दा बढी शेयर मुल्य बढ्नेमा त्रिशुली जलविद्युत कम्पनी रहेको छ । आजै मात्रै कारोबार शुरु भएको कम्पनीको शेयर मुल्य १० प्रतिशतले बढेको छ । त्यसैगरी, समाज लघुवित्त, सिर्वासी लघुवित्तको शेयर भाउ ९ प्रतिशत बढीले बढेको छ । आज ग्लोबल आइएमइ लघुवित्तको शेयर मुल्य ७।८१ प्रतिशतले घटेको छ ।
