नेपाल धितोपत्र बोर्डले कमिशन शुल्क घटाउने भएको छ । बोर्डले लगानीकर्ताले कारोबार गर्दा भुक्तानी गर्नुपर्ने कमिसन शुल्क घटाउन अध्ययन समिति गठन गर्ने भएको हो ।
बुधबार विश्व लगानीकर्ता सप्ताहको अवसरमा आयोजित कार्यक्रममा बोल्दै नेपाल धितोपत्र बोर्डका अध्यक्ष रेवत कार्कीले कमिसन शुल्क घटाउन अध्ययन समिति गठन गरिने प्रतिबद्धता जनाएका हुन् ।
कार्यक्रममा बोर्डका कार्यकारी निर्देशक निरज गिरीले पनि अनलाइन कारोबार प्रणाली सुरु भए पछि सेयर दलालहरुले लिँदै आएको कमिशन दर परिमार्जन गर्ने बताएका थिए । उनले संस्था पनि चल्ने साथै लगानीकर्ताहरुलाई पनि राहत हुने किसिमको नयाँ कमिशन दर निर्धारण गरिने बताएका हुन् ।
