प्रकाशन भएपछि यी ४ तरिकाबाट हेर्न सकिन्छ हिमालयन हाइड्रोको आईपिओ नतिजा

हिमालयन हाइड्रोपावर लिमिटेडले निष्काशन गरेको आईपिओ बाँडफाँड भएको छ । बिक्रि प्रबन्धक ग्लोबल आईएमई क्यापिटलले आज बिहान  शेयर बाँडफाँड गरेको हो। 

क्यापिटलका अनुसार आईपिओमा कुल १५ लाख ९५ हजार ५ सय ५४ जनाले आवेदन दिएका छन् । जस मध्ये १ हजार ७ सय ५८ जनाको आवेदन रद्द भएको छ । योग्य रहेका १५ लाख ९३ हजार ७ सय ९६ जना आवेदकलाई गोलाप्रथामा सहभागी गराई शेयर बाँडफाँड गरिएको छ । जस अनुसार  १ लाख ८३ हजार ४७ जनाले शेयर पाएका छन् । जस मध्ये २ जनाले ११ कित्ता शेयर पाएका छन् भने अन्यले १० कित्ता शेयर पाएका छन् ।

कम्पनीले कास्कीमा  ११.८८ मेगावाटको नामर्जुन मादी आयोजना निर्माण सम्पन्न गरि विजुली उत्पादन गरिरहेको छ ।