आज आइतबार शेयर बजार परिसूचक नेप्से दोहोरो अंकले बढेको छ । आज नेप्से सूचक १७.२६ अंकले बढेर २०४६.२९ को बिन्दुमा पुगेर रोकिएको छ ।
आज कारोबारमा आएका २६१ कम्पनीका १ करोड ८ लाख ८० हजार ९ सय ४ कित्ता शेयर खरिद बिक्रिबाट ४ अर्ब ४ करोड ८८ लाख ७९ हजार ५ सय १० रुपैयाँ १९ पैसाको कारोबार भएको छ । जस मध्ये नबिल बैंकको सर्वाधिक २२ करोड ५७ लाख, नेपाल टेलिकमको १९ करोड ८८ लाख, हिमालयन डिस्टिलरीको १५ करोड ८० लाख, तथा एनआईसी एसिया बैंकको १० करोड ३ लाखको कारोबार भएको छ ।
आज कारोबारमा आएका विकास बैंक र फाइनान्स बाहेकका सबै समुहगत सूचक बढेका छन् । जस मध्ये लाइफ इन्स्योरेन्स समुह सर्वाधिक २.९९ प्रतिशत बढेको छ भने नन लाइफ इन्स्योरेन्स समुह १.९५ प्रतिशत बढेको छ । आज फाइनान्स समुह र विकास बैंक समुह क्रमश ०.२० प्रतिशत र ०.०४ प्रतिशतले घटेको छ ।
आज ५ कम्पनीको शेयर मूल्यमा सकारात्मक सर्किट लागेको छ । आज कारोबारमा आएका मध्ये १२१ कम्पनीको मूल्य बढेको छ भने ८७ कम्पनीको मूल्य घटेको छ ।