धर्मराज सापकोटाको अध्यक्षतामा स्टक ब्रोकर एसोसिएसन अफ नेपालमा नयाँ नेतृत्व चयन भएको छ । शनिवार भएको निर्वाचनमा अध्यक्ष पदको लागि धर्मराज सापकोटाले गुणनिधि भुसाललाई पराजित गरेका हुन् । सापकोटा २८ मत ल्याएर विजयी हुँदा भुसालले १६ मत ल्याए ।
दिनभरिको सहमति को प्रयास असफल भएपछि अध्यक्ष पदको लागि शनिवार साँझ निर्वाचन भएको थियो । अध्यक्ष बाहेकका पदमा भने सर्वसम्मत भएको हो ।
संघको उपाध्यक्षमा सरिता अधिकारी (विष्ट) , महासचिवमा फणिन्द्र ढकाल, कोषाध्यक्षमा मदन पौडेल, तथा सचिवमा सुवोध अधिकारी चयन भएका छन् । सदस्यमा मित्रलाल श्रेष्ठ, प्रियान्सु अग्रवाल र प्रज्जवल उप्रेती चयन भएका छन्।
