नयाँ स्टक एक्सचेन्ज ल्याउन लागिएको विरोधमा नेपाल स्टक एक्सचेन्जका कर्मचारी आन्दोलित भएका छन् । नयाँ स्टक एक्सचेन्जलाई लाइसेन्स दिन प्रक्रिया अघि बढाएको विषयमा नेप्सेका कर्मचारी आन्दोलनमा उत्रिएका हुन् ।
आज बिहिबार नेप्से कर्मचारी संघद्वारा ब्यानरसहित नारा लगाई कर्मचारीहरुले नेप्सेको कार्यालय वरिपरी विरोध गरेका हुन् ।
नेप्से कर्मचारी संघका अध्यक्ष नवराज थापाले नेपालको आर्थिक र भूगोल अनुसार पनि नयाँ स्टक एक्सचेन्जको आवश्यक नरहेको बताएका छन् । उनले नयाँ स्टक एक्सचेन्जमा लगानी गर्न चाहना भएको व्यक्तिहरुलाई नेप्सेमै लगानी गर्न पनि अनुरोध गरेका छन् ।
