.gif)
पूर्व अर्थमन्त्री डा. युवराज खतिवडाले शेयर बजारमा हस्तक्षेप नगर्न नेपाल राष्ट्र बैंकलाई सुझाव दिएका छन् । म्यानेजमेन्ट एसोसिएसन अफ नेपालले आगामी मौद्रिक नीतिबारे आयोजना गरेको अन्तरक्रिया कार्यक्रममा डा. खतिवडाले सबै निकायले आ-आफ्नो क्षेत्रको मात्र गर्नु उचित हुने भएकोले राष्ट्र बैंकलाई शेयर बजारमा हस्तक्षेप नगर्न आग्रह गरेका हुन् ।
उनले भने 'सबैले आ-आफ्नो क्षेत्रको काम गर्नु पर्छ, आफुले आफ्नो चुलो बलेको छ कि छैन मात्र हेर्नु पर्छ, अरुको चुलोबारे चासो राख्नु हुन्न' ।
राष्ट्र बैंकका पूर्व गभर्नर समेत रहेका खतिवडाले राष्ट्र बैंकले शेयर धितो कर्जामा सिलिङ तोक्ने, जोखिम भार तोक्ने लगायत शेयरबजारलाई असर पार्ने कार्य गर्नु नहुने बताए । उनले शेयर बजारसंग सम्बन्धित कार्यहरु नेपाल धितोपत्र बोर्ड वा अन्य कुनै समबन्धित निकाय मार्फत हुनु पर्ने उल्लेख गरे ।
यस अघि बिजपाटीसंगको अन्तर्वार्तामा पनि डा. खतिवडाले शेयर धितो कर्जामा १२ करोडको क्याप रहेकोले आगामी मौद्रिक नीति मार्फत राष्ट्र बैंकले यसलाई हटाईदिएर शेयर बजारको लागि सकारात्मक संदेश दिनु पर्ने बताएका थिए ।
.gif)
