चिलिमे ईन्जिनियरिङ एण्ड सर्भिसेज कम्पनी (चेस्को) ले आईपिओ निष्काशन गर्ने भएको छ । कम्पनीले शेयर निष्काशनको लागि सिद्धार्थ क्यापिटललाई बिक्री प्रबन्धक नियुक्त गरेको छ ।
सम्झौतामा चिलिमे ईन्जिनियरिङ एण्ड सर्भिसेज कम्पनीका तर्फबाट प्रमुख कार्यकारी अधिकृत प्रजेश बिक्रम थापा र सिद्धार्थ क्यापिटलको तर्फबाट सन्दिप कार्कीले हस्ताक्षर गरेका छन् ।
कम्पनीले २ लाख ९७ हजार ५ सय कित्ता साधारण शेयरनिष्काशन गर्न लागेको हो । यो चिलिमे जलविद्युत कम्पनीको सहायक कम्पनी हो । यस कम्पनीले जलविद्युत कम्पनीहरुलाई इन्जिनियरिङ सेवा, कन्सल्टिङ सेवा, मर्मत सेवा लगायतका सेवा प्रदान गरिरहेको छ ।