टेलिभिजन सेवा प्रदायक कम्पनी डिश मिडिया नेटवर्कले फेरि आईपिओ निष्काशन अनुमति माग गरेको छ। कम्पनीले असार १२ गते नेपाल धितोपत्र बोर्डमा आवेदन दिएको छ।
कम्पनीले १ सय रुपैयाँ अंकित दरका १ करोड ३५ लाख ८४ हजार ९ सय ५५ कित्ता शेयर निष्काशन गर्न अनुमति मागेको हो । बोर्डले अनुमति दिएपछि कम्पनीले शेयर निष्काशन गर्ने छ । कम्पनीले शेयर निष्काशनको लागि प्रभु क्यापिटललाई बिक्रि प्रबन्धक नियुक्त गरेको छ ।
यस अघि कम्पनीले ३ वर्ष अगाडी पनि शेयर निष्काशन गर्दै बोर्डमा आवेदन दिएको थियो । सो समय कम्पनीले २३ लाख ८५ हजार ९ सय २९ कित्ता शेयर निष्काशन गर्न अनुमति मागेको थियो। तर लामो समयसम्म आईपिओ निष्काशन प्रक्रिया अगाडी नबढेपछि कम्पनीले फेरि आवेदन दिएर नयाँ प्रक्रिया सुरु गरेको हो ।
