सोनापुर मिनरल्स एण्ड ओइल लिमिटेड (सोनापुर सिमेन्ट) ले निष्काशन गरेको आईपीओमा आज तेस्रो दिनसम्म ७ लाख ३२ हजार बढीले आवेदन दिएका छन् ।
मंगलबार साँझ ५ बजेसम्ममा कम्पनीको आईपीओमा ७ लाख ३२ हजार ९ सय ५३ जना आवेदकले ८५ लाख ६६ हजार ८ सय ४० कित्ताका लागि २ अर्ब ३ करोड ५३ लाख ९ हजार ८ सय ४७ रुपैयाँ बराबरको आवेदन दिएका हुन् । यो मागको ८८.० प्रतिशत हो ।
कम्पनीले असोज १४ गतेदेखि आईपीओ बिक्री खुला गरेको हो । कम्पनीले सर्वसाधारणलाई ९७ लाख ३२ हजार ५ सय ४४ कित्ता शेयर निष्काशन गरेको हो ।
यस निष्काशनमा छिटोमा असोज १७ र सो अवधिमा पूर्ण आवेदन नपरेमा ढिलोमा असोज २८ गतेसम्म आवेदन दिन सकिने छ । आवेदन दिंदा न्युनतम १० कित्ता र अधिकतम १५ लाख कित्ताको आवेदन दिन सकिने छ । शेयर निष्काशनको लागि एनआईएमबि एस क्यापिटल बिक्री प्रबन्धक रहेको छ ।
कम्पनीले यस अघि नै आयोजना प्रभावित दाङ र रोल्पा जिल्लाका स्थानीय र श्रम स्वीकृति लिई विदेशमा रहेका नेपाली नागरिकको लागि निष्काशन गरिएको शेयर बाँडफाँड गरिसकेको छ।