आइतबार नियमित कारोबार सुरु भएपछि शेयर बजारमा दोस्रो पटक सर्किट ब्रेक लागेको छ । नेप्से सूचक ५ प्रतिशतले बढेपछि ४० मिनेटको लागि कारोबार स्थगित भएको छ ।
११ बजार २७ मिनेट नेप्से सूचक ५ प्रतिशतले बढेको हो । आज ११ बजेर ५ मिनेटमा नेप्से सूचक ४ प्रतिशतले बढेपछि पहिलो सर्किट ब्रेक लागेको थियो । पहिलो सर्किट ब्रेकपछि बजार खुलेको २ मिनेट मै दोस्रो सर्किट ब्रेक लागेको हो ।
यो समाचार तयार पार्दासम्म नेप्से सूचक ५ प्रतिशत अर्थात ९२.७३ अंकले बढेर १९४५.५१ को बिन्दुमा पुगेको छ । अहिलेसम्म २९ करोड ६० लाखको कारोबार भएको छ ।
के छ सर्किट ब्रेकको नियम ?
पहिलो घण्टामा नेप्से सूचक ४ प्रतिशतले घटे वा बढेमा २० मिनेट कारोबार स्थगित हुनेछ । त्यस्तै दोस्रो घण्टा भित्रमा सूचक ५ प्रतिशतले घटे वा बढे ४० मिनेट कारोबार स्थगित हुनेछ । र तेस्रो घण्टा भित्र वा त्यसपछिको समयमा सूचक ६ प्रतिशतले घटे वा बढे बाँकि पुरै दिनको कारोबार स्थगित हुनेछ ।
