नेपाल स्टक एक्सचेन्ज नेप्सेमा मुक्तिनाथ कृषि कम्पनीको शेयर कारोबार सुचारु भएको छ । आज बिहिबारको स्पेसल प्रि ओपन सेसनमा पहिलो कारोबार भई मूल्य तय भएपछि कम्पनीको कारोबार सुरु भएको हो ।
कम्पनीको पहिलो कारोबार प्रति कित्ता १७८ रुपैयाँमा भएको छ । नेप्सेले कम्पनीको पहिलो शेयर कारोबारको लागि ७६ रुपैयाँ ८१ पैसा देखि २३० रुपैयाँ ४३ रुपैयाँसम्मको सुरुवाती रेन्ज तोकेको थियो । नेप्सेले कम्पनीको पहिलो कारोबारको लागि नेटवर्थको ३ गुणासम्मको सुरुवाती रेन्ज तोक्ने गरेको छ । यस रेन्जको बीचमा रहेको जुनुसुकै मूल्यबाट कम्पनीको कारोबार सुरु हुन सक्ने रहेकोमा कम्पनीको कारोबार १७८ ररुपैयाँबाट सुरु बह्येको हो । कम्पनीको MKCL सिम्बलबाट कारोबार भएको हो।
बुधबार कम्पनीको ७० लाख कित्ता शेयर सुचिकृत भएको थियो । कम्पनीले आईपीओ बाँडफाँड गरेको सबै भन्दा छिटो अर्थात् ८ दिन मै शेयर सुचिकृत गराएर नयाँ रेकर्ड कायम गरेको हो ।
आईपीओ बाँडफाँड भएकै दिन कम्पनीका संचालक तुलसीराम ढकालले मङ्सिर महिना भित्रै नेपाल स्टक एक्सचेन्ज नेप्सेमा शेयर सूचीकरण गराएर कारोबार सुरु गर्ने बताएका थिए । कम्पनीले सोहि दिन शेयर रजिष्ट्रारमा मुक्तिनाथ क्यापिटल नियुक्त गरेको थियो भने सोहि दिन नै सिडीएसमा शेयर सूचीकरणको लागि आवेदन दिएको थियो ।
संचालक ढकालले पुस भित्र साधारणसभा गरिसक्ने बताएका छन् ।
कम्पनीले मङ्सिर ८ देखि मङ्सिर १२ गतेसम्म सर्वसाधारणलाई आईपीओ बिक्री खुला गरेको थियो । कम्पनीले सर्वसाधारणलाई ११ लाख ४८ हजार कित्ता शेयर निष्काशन गरेको हो ।
मुक्तिनाथ विकास बैंकको प्रमुख लगानी तथा कृषि क्षेत्रको प्रवर्दनमा विभिन्न पेशाहरुमा आवद्द व्यक्तिहरुद्वारा २०७५ साल भदौ १ गते मुक्तिनाथ कृषि कम्पनीको स्थापना भएको हो। कृषिबाट मात्रै नेपालको उन्नति प्रगति भन्ने सोचले यो कम्पनी स्थापना भएको हो।
