नेपाल स्टक एक्सचेन्ज नेप्सेले दोस्रो बजार विकास कार्यक्रम पारित गरेको छ । नेप्सेको पुस २९ गते सम्पन्न साधारणसभामा नेप्सेका अध्यक्ष शोभाकांन्त पौडेलले “सबल नेप्से–सुदृढ पुँजी बजार” भन्ने मूल भावनामा आधारित आर्थिक वर्ष २०८०/८१ को नीति तथा कार्यक्रममा रही दोस्रो बजार विकास कार्यक्रम प्रस्तुत गरेका थिए ।
उनले नेप्सेलाई दक्ष, प्रतिस्पर्धी तथा सबल संस्थाका रुपमा विकास गरी विस्तारित तथा प्रभावकारी सेवा प्रवाह सुनिश्चित गर्ने लक्ष्यका साथ दोस्रो बजार विकास कार्यक्रम पेश गरेका थिए । साधारणसभाले उक्त कार्यक्रम पारित गरेको छ ।
यस्ता छन् नेप्सेले अघि सारेका कार्यक्रमहरु ;
१. कर्मचारी व्यवस्थापन तथा संगठन संरचना पुनरावलोकन गर्ने
-कर्मचारीको कार्यदक्षता तथा उत्पादकत्व वृद्धि गर्न तालिमहरुमा सहभागी गराउने ।
-कर्मचारीहरुलाई प्रदान गरिने सेवा सुविधाको पुनरावलोकन गर्ने ।
-सेवाका विभिन्न पदहरुमा विनियमावली अनुसार पदपूर्ति गर्ने ।
-सूचना प्रविधि विज्ञ, व्यवसाय विकास विज्ञको सेवा प्राप्त गर्ने ।
-सूचना प्रविधि अधिकृत, सहायक स्तर र कार्यालय सहयोगी र सवारी चालकको सेवा प्राप्त गर्ने ।
२. वित्तीय सचेतना कार्यक्रम सञ्चालन गर्ने
-लगानीकर्ता, सञ्चारकर्मी लगायत सरोकारवाला लक्षित पुँजी बजार सचेतना तथा साक्षरता कार्यक्रम आयोजना गर्ने ।
-देशका विभिन्न स्थानका कलेज तथा विद्यालयका विद्यार्थीलाई दोस्रो बजार सम्बन्धी जानकारी दिन Visit Nepse कार्यक्रम सञ्चालन गर्ने ।
-दोस्रो बजार सम्बन्धी निवन्ध प्रतियोगिता गर्ने ।
-नवप्रवेशी कारोबार सदस्यलाई अभिमुखीकरण कार्यक्रम सञ्चालन गर्ने ।
- नेप्सेका गतिविधिलाई सामाजिक सञ्जाल मार्फत प्रचारप्रसार गर्ने ।
३. भौतिक पूर्वाधार विकास तथा कार्यालय व्यवस्थापनमा सुधार गर्ने
-नेप्सेमा कार्यरत कर्मचारी र निकट भविष्यमा आउने कर्मचारीहरुलाई पर्याप्त हुने गरी कार्यकक्ष निर्माण गर्ने, उत्तरतर्फ Boundary Wall निर्माण गर्ने ।
-नेप्सेको Power System Upgradation गर्ने ।
-कार्यालय परिसरमा सवारी साधन पार्किंग निर्माण गर्ने ।
-CCTV Storage क्षमता बढाउने, Intercome Telephone Enhance गर्ने ।
४. संस्थागत सुशासनलाई सुदृढ बनाउने
-नेप्सेका समिति तथा उपसमितिलाई थप सक्रिय बनाउने, आवश्यकता अनुसार समिति÷उपसमितिका कार्यविधि संशोधन÷परिमार्जन गर्ने, कार्यान्वयनलाई प्रभावकारी बनाउने ।
-निर्धारित समयभित्रै वार्षिक साधारण सभा सम्पन्न गर्न आवश्यक विवरण तयार गर्ने ।
-आर्थिक वर्ष २०७९÷८० को लेखा परीक्षण समयमा सम्पन्न गरी वित्तीय विवरण प्रकाशन गर्ने ।
-नेप्सेको ३१ औं वार्षिकोत्सव कार्यक्रम गर्ने ।
-वातावरणीय, सामाजिक तथा सुशासन ९(Environment, Social and Governance) सम्बन्धी नीति प्रवद्र्धनका लागि कार्यक्रम सञ्चालन गर्ने ।
- नेप्सेको सेयर जारी गर्ने सम्बन्धी प्रक्रिया अगाडि बढाउने ।
५. पुँजी बजार विकासका लागि अध्ययन अनुसन्धान गर्ने
-सुपरिवेक्षणका लागिArtificial Intelligence (AI) System उपयोगका सम्बन्धमा अध्ययन गर्ने ।
- Day Trading तथा ओटीसी बजार विस्तार सम्बन्धि अध्ययन कार्य गर्ने ।
-प्रदेश तथा स्थानीय सरकारले जारी गर्न सक्ने ऋणपत्र सम्बन्धी अध्ययन गर्ने ।
-नेप्सेको विस्तृत लेखा परीक्षणf (Due Diligence Audit) गर्ने ।
-आवश्यकता अनुसार अन्य समय सापेक्ष अध्ययन गर्ने ।
६. कारोबार अनुगमन तथा सुपरीवेक्षण गर्ने
-सदस्यता तथा सुपरिवेक्षण विनियमावली लागु गर्ने ।
- कारोबार सदस्य (दलाल तथा डिलर)को स्थलगत तथा गैरस्थलगत सुपरिवेक्षणका लागि कार्यतालिका बनाउने, निरीक्षण तथा सुपरिवेक्षण प्रतिवेदन पेश गर्ने ।
-विद्यमान सुपरिवेक्षण प्रणालीको प्राविधिक स्तरोन्नति गर्ने ।
-सूचीकृत कम्पनीहरुको आवधिक वित्तीय विवरण र सूचकांक अध्यावधीक गर्ने ।
-सूचिकृत संगठित संस्थाहरुको वित्तीय तथा गैर वित्तीय विवरणहरुको अनुगमन गर्ने ।
७. प्रणाली विकास तथा व्यवस्थापन गर्ने
-अन्तर्राष्ट्रिय स्तरको Tested Online Trading Software खरिद गर्ने ।
-Nots मा प्रयुक्त software नवीकरण गर्ने, Hardware, Website, Power system लगायत अन्य सेवाको सुनिश्चितताका लागि Annual Maintenance Contract (AMC) सेवा खरिद र नवीकरण गर्ने ।
- कार्यालयका उपकरण सञ्चालका लागि आवश्यक licenses, software, hardware, खरिद तथा नवीकरण गर्ने ।
- नयाँ Data Center निर्माण गर्ने । (हाल Data Center मा प्रयोग भइरहेका हार्डवयर, सफ्टवेयर, सामग्री, उपकरणDR site मा लैजाने)
-सुपरिवेक्षण कार्यमा Business Intelligence (BI) System को उपयोग गर्न आवश्यक सामग्री खरिद गर्ने ।
८. विनियम, कार्यविधि तर्जुमा गर्ने
-सुपरिवेक्षण तथा सदस्यता विनियमावली तर्जुमा गर्ने ।
- Otc बजार विनियमावली, कर्मचारी विनियमावली, आर्थिक प्रशासन विनियमावली संशोधन÷परिमार्जन गर्ने ।
- जोखिम व्यवस्थापन तथा सम्पत्ति दायित्व सम्बन्धि कार्यविधि, २०७६ मा संशोधन गर्ने ।
-SMEs Platformसञ्चालनका लागि आवश्यक विनियमावली तर्जुमा गर्ने ।
९. जोखिम व्यवस्थापन तथा अनुपालन
-वार्षिक नीति तथा कार्यक्रम कार्यन्वयनको मासिक प्रगति प्रतिवेदन तयार गर्ने ।
- त्रैमासिक रुपमा प्रतिवेदन सञ्चालक समितिमा पेश गर्ने ।
- जोखिम व्यवस्थापन तथा अनुपालन सम्बन्धी प्रतिवेदन अर्धवार्षिक रुपमा तयार गरी सञ्चालक समितिमा पेश गर्ने ।
१०. बजार सञ्चालनमा समन्वय गर्ने
-धितोपत्र बजार सञ्चालन सम्बन्धमा नियमक निकाय, सिडिएस एन्ड क्लियरिंग लि, कारोबार सदस्य, मर्चेन्ट बैंकर तथा आवश्यकता अनुसार सूचीकृत कम्पनीहरुसँग समन्वय गर्ने ।