.gif)
सोमबार नियमित कारोबार सुरु भएपछि शेयर बजारमा दोस्रो पटक सर्किट ब्रेक लागेको छ । नेप्से सूचक ५ प्रतिशतले बढेपछि ४० मिनेटको लागि कारोबार स्थगित भएको छ ।
११ बजार २४ मिनेट १५ सेकेण्डमा नेप्से सूचक ५ प्रतिशतले बढेको हो । ५ प्रतिशतको वृद्धिपछि नेप्से सूचक २०५९ को बिन्दुमा पुगेको छ ।
आज ११ बजेर ३ मिनेटमा नेप्से सूचक ४ प्रतिशतले बढेपछि पहिलो सर्किट ब्रेक लागेको थियो । पहिलो सर्किट ब्रेकपछि बजार खुलेको २ मिनेट भित्र मै दोस्रो सर्किट ब्रेक लागेको हो ।
नेकपा एमालेसहितको सरकार बन्ने भएपछि शेयर बजारमा उछाल आएको हो ।
के छ सर्किट ब्रेकको नियम ?
पहिलो घण्टामा नेप्से सूचक ४ प्रतिशतले घटे वा बढेमा २० मिनेट कारोबार स्थगित हुनेछ । त्यस्तै दोस्रो घण्टा भित्रमा सूचक ५ प्रतिशतले घटे वा बढे ४० मिनेट कारोबार स्थगित हुनेछ । र तेस्रो घण्टा भित्र वा त्यसपछिको समयमा सूचक ६ प्रतिशतले घटे वा बढे बाँकि पुरै दिनको कारोबार स्थगित हुनेछ ।
