आइएमई लाईफको खुद नाफा बढेको छ । चालु आर्थिक वर्षको तेस्रो त्रैमासको अपरिष्कृत वित्तिय विवरण अनुसार कम्पनीको नाफा ७५.७८ प्रतिशतले बढेको हो ।
चालु आवको तेस्रो त्रैमाससम्म कम्पनीले ३३ करोड १५ लाख रुपैयाँ खुद नाफा आर्जन गरेको छ । गत वर्षको सोहि अवधिमा कम्पनीले १८ करोड ८६ लाख रुपैयाँ खुद नाफा आर्जन गरेको थियो ।
तेस्रो त्रैमाससम्म आइपुग्दा कम्पनीले ३ अर्ब २९ करोड १५ लाख रुपैयाँ कुल बीमाशुल्क संकलन गरेको छ । कम्पनीको प्रति शेयर आम्दानी ११.०५ रुपैयाँ, र प्रति शेयर नेट वर्थ १७७.२५ रुपैयाँ रहेको छ । हाल कम्पनीको चुक्ता पुंजी ४ अर्ब रहेको छ ।
कम्पनीले १४ अर्ब ३४ करोड ७२ लाख रुपैयाँ विभिन्न क्षेत्रमा दिर्घकालका लागि लगानी गरेको छ । त्यसैगरी, ७ करोड १० लाख रुपैयाँ अल्पकालका लागि लगानी गरेको विवरणमा उल्लेख छ ।