पहिलो पटक घर खरिद वा निर्माण गर्ने व्यक्ति लाई प्रदान गरिने २ करोड सम्मको आवासीय घर कर्जामा लोन टू भ्यालू रेसियो बढीमा ७० प्रतिशतसम्म कायम गर्न सकिने भएको छ । अब बैंकहरुले पहिलो पटक घर खरिद गर्ने वा बनाउने ऋणीलाई २ करोडसम्म कर्जा लगानी गर्न पाउने भएका हुन् ।
मौद्रिक नीति कार्यान्वयनका लागि राष्ट्र बैंकले जारी गरेको सर्कुलरमा अब २ करोड सम्मको आवासीय कर्जालाई व्यक्तिगत घर कर्जा मानेर यसका लागि ७० प्रतिशतसम्म कर्जा लगानी गर्ने बाटो खोलिदिएको हो ।
राष्ट्र बैंकले मौद्रिक नीति सार्वजनिक गर्दै यसअघि पहिलो पटक घर खरिद गर्दा १ करोड ५० लाख रुपैयाँ ऋण पाउने व्यवस्थालाई परिमार्जन गर्दै २ करोड पुर्याएको थियो । यो सुविधा पहिलो पटक घर कर्जा लिंदा मात्र लागू हुनेछ ।