.gif)
हिमालयन रिइन्स्योरेन्स कम्पनीले बोनस सेयर वितरणपश्चात ८० प्रतिशत हकप्रद सेयर निष्काशन गर्ने भएको छ । कम्पनीले हाल कायम चुक्ता पूँजीको ४ प्रतिशत बोनस सेयर घोषणा गरिसकेको छ ।
कम्पनीले बोनस सेयर पश्चात हुने चुक्ता पूँजी १० अर्ब ४० करोडको ८० प्रतिशत अर्थात् ८ अर्ब ३२ करोड रुपैयाँको हकप्रद सेयर निष्काशन गर्ने भएको हो ।
कम्पनीले ४ प्रतिशत बोनस सेयर र हकप्रद निष्काशन गर्ने प्रस्ताव पारित गर्न फागुन २० गते साधारणसभा आह्वान गरेको छ ।
कम्पनीले घोषणा गरेको ४ प्रतिशत सेयर बोनस फागुन ६ गतेसम्म कायम लगानीकर्ताले मात्रै पाउने छन् । कम्पनीले फागुन ७ गते बुक क्लोजको मिति तय गरेको छ ।
साधारणसभामा संस्थापक सेयरधनी समूहबाट १ जना र साधारण सेयरधनीबाट २ जना सञ्चालक पनि चयन हुनेछन् ।
.gif)
