साताको दोस्रो दिन सोमबार पनि सुनको मूल्य घटेको छ । आइतबार ९ सयले घटेर ५५ हजार ५ सयमा कारोबार भएको छापावाल सुन आज ५ सयले घटेर प्रति तोला ५५ हजारमा कारोबार भई रहेको छ । त्यस्तै तेजावी सुन प्रति तोला ५४ हजार ७ सय ५० रुपैयाँमा कारोबार भईरहेको छ। छापावाल सुन गत २४ गते ५८ हजार २ सयमा कारोबार भएको थियो । त्यसयता यसको मूल्य ५ दिनमा ३२ सयले घटेको छ ।
आज चाँदी भने प्रति तोला ८ सय रुपैयाँमा कारोबार भईरहेको छ। यो अघिल्लो दिनको तुलनामा १० रुपियाँले कम हो ।
नेपाल सुनचांदी ब्यबसायी महासंघले सोमबारको कारोबारमा प्रति १० ग्राम छापावाल सुनको मूल्य ४७ हजार १ सय ५५ रुपैयाँ तोकेको छ भने प्रति १० ग्राम तेजावी सुनको मूल्य ४६ हजार ९ सय ४० रुपैयाँमा कारोबार भईरहेको छ। त्यस्तै १० ग्राम चांदीको मूल्य ६ सय ८६ रुपैयाँ कायम गरिएको छ।