.gif)
गायक पन्नाकाजी शाक्यको निधन भएको छ । लामो सयमयदेखि अस्वस्थ रहेका गायक शाक्यको बुधबार बिहान आफ्नै निवास टेकुमा निधन भएको हो ।
१९८८ साल पुस १५ गते काठमाडौंको ओमबहालमा जन्मिएका उनले २००४ सालदेख गीत गाउन थालेका थिए । २००७ सालमा रेडियो नेपाल प्रवेश गरेका उनले त्यहाँ २०१४ सालसम्म काम गरे। २०२२ सालमा गायनमा उत्कृष्ट बन्दै उनले स्वर्ण पदक पनि जितेका थिए । त्यस प्रतियोगीतामा नारायणगोपाल संगीतमा प्रथम भएका थिए ।
उनको तिरिरी मुरली बज्यो वनैमा, किन किन तिम्रो तस्बिर मलाई निको लाग्छ लगायत गीत निकै चर्चित छन् । उनले ‘लोलाएका ती तिम्रा आँखा‘ को पुरानो मेलोडी, नौलाखे तारा, एकानी दुवानी, रात यो नबित्ला, लालीगुराँस फुल्यो है लगायत सिर्जना दिएका छन् ।
उनका चार छोरा र एक छोरी छन् । उनको आज नै अन्त्यष्टि गरिने पारिवारिक श्रोतले बताएको छ ।
.gif)
