.gif)
सभामुख ओनसरी घर्ति ४ दिने औपचारिक भ्रमणको लागि भारत प्रस्थान गरेकी छिन् । घर्ति भारतीय लोकसभा सभामुख सुमित्रा महाजनको निमन्त्रणामा दक्षिण एसियाली राष्ट्रका सभामुखहरुको सम्मेलनमा भाग लिन आज बिहान १० बजे त्यस तर्फ प्रस्थान गरेकी हुन् । सम्मेलनमा दिगो विकासको लक्ष्यप्राप्तिबारे दक्षिण एसियाली राष्ट्रको भूमिकाका विषयमा छलफल हुने छ ।
घर्ति संगै टोलीमा संसद सचिवालयका महासचिव मनोहर प्रसाद भट्टराई, सहसचिव भरतराज गौतम, सभामुखकी स्वकीय सचिव लाल कुमारी पुन रहेका छन् ।
सम्मेलनमा बंगलादेश, श्रीलंका, म्यान्मार, माल्दिभ्स, भुटान, अफगानिस्तानलगायत राष्ट्रका सभामुख सहभागी हुनेछन् ।
घर्ति फागुन ९ गते स्वदेश फर्कने कार्यक्रम छ।
.gif)
