.gif)
नेपाल प्रहरीको नयाँ आइजीपी नियुक्ति संबन्धमा आज बिहिबार पनि सर्बोच्चमा सुनुवाई भएको छ । अधिबक्ता कपिल देव ढकालले सरकारले बरियता मिचेर डीआईजी जयबहादुर चन्दलाई लाई नियुक्ति गर्न लागेको भन्दै त्यसलाई रोक्न माग गर्दै माघ २८ गते शुक्रबार मुद्दा दायर गरेका थिए । त्यसको सुनुवाई हुनु अघि नै मन्त्रिपरिषद बैठकले चन्दलाई आइजीपीमा नियुक्ति गरेको थियो । सोहि दिन सर्बोच्चले चन्दको नियुक्ति तत्काल कार्यान्वयन नगर्न नगरौं अन्तरिम आदेश दिएको थियो ।
त्यस्तै पहिलो बरियतामा रहेका डिआईजी नवराज सिलवालले बरियताक्रम अनुसार आफुलाई आइजीपी बनाउन माग गर्दै अर्को रिट दायर गरेका थिए । सर्बोच्चले दुवै रिटलाई एक साथ राखी हिजो बुधबार देखि बहस सुरु गरेको हो । न्यायाधीश इश्वर खतिवडा र हरिकृष्ण कार्कीको इजलाशमा हिजो र आज बहस भएको हो ।
बहस आइतबार नै हुने भनिए पनि ढकालले दायर गरेको रिट महान्यायाधिवक्ता कार्यालय र जयबहादुर चन्दलाई जानकारी नभएको खुलेपछि सुनुवाई आजको लागि सरेको थियो ।
बहस आज पनि नसकिएकाले हेर्दा हेर्दैमा राखिएको छ र अब आगामी मंगलबार हुने अदालतले बताएको छ । मंगलबार दुवै पक्षको बहस सक्किने र फैसला आउने अपेक्षा गरिएको छ ।
यो मुद्दाको किनारा नालाग्दासम्म सरकारले प्राविधिक एआइजी डा दिनेशचन्द्र पोखरेललाई निमित्ति प्रहरी महानिरीक्षकको जिम्मेवारी दिएको छ ।
.gif)
