कास्कीको पोखरामा पुन: बर्ड फ्लुको संक्रमण देखिएको छ । पोखरा १८ खाल्टे मसिनाकै शुभकामना टोलमा स्थानीय दिपेन्द्र केसीले पालेको कुखुरामा बर्ड फ्लु देखिएको हो । एक हप्ता अघि पनि मसिना टोलकी मीना परियारको घरमा पालेको कुखुरामा बर्ड फ्लुको संक्रमण देखिएको थियो ।
पशु सेवा कार्यालयके पहिले देखिएको स्थानमा निरन्तर अनुगमन गरेर शंकास्पद कुखुरालाई परीक्षणका लागि विभागमा पठाउने क्रममा पुन: बर्ड फ्लु भेटिएको हो ।
निरन्तर वर्ड फ्लूको संक्रमण देखिएपछि पोखराको १ देखि १८ नम्बर वडामा फागुन भरी पंक्षी तथा पंक्षीजन्य पदार्थको ओसार पसारमा प्रतिबन्ध लगाईएको छ।
पशु सेवा कार्यालयले शनिबार मात्रै ८८ वटा हाँस, ५ सय ७१ वटा ब्रोइलर कुखुरा, ३ सय ५६ वटा स्थानीय कुखुरा, २ सय ५५ वटा अण्डा, १ सय १९ केजी दाना, ६ बोरा सुली र ११ केजी मासु नष्ट गरिएको बताएको छ।