.gif)
सप्तरीमा भएको झडपमा परी ३ जनाको मृत्यु भएको भोलिपल्ट संयुक्त लोकतान्त्रिक मधेसी मोर्चा सप्तरीले बैठक गरी विभिन्न ६ बुँदे माग अघि सारेको छ ।
मोर्चाले मृत्यु भएका तीनै जनालाई शहिद घोषणा तथा पीडित परिवारलाई राहत र एक सदसयलाई सरकारी जागिर दिनुपर्ने माग पहिलो नम्बरमा उल्लेख गरेको छ। अन्य मागहरुमा सरकारले घाइतेको उपचार व्यवस्था गर्नुपर्ने र घट्नाको छानवीनका लागि उच्चस्तरिय छानवीन आयोग गठन गरी दोषीलाई कारवाही गर्नुपर्ने , सप्तरीका सिडिओ, प्रहरी प्रमुखको निलम्बन गर्नु पर्ने, संविधान संशोधन परिमार्जनसहित पारित गर्नुपर्ने र गजेन्द्रनारायाण सिंह औधोगिक प्रतिष्ठानमा कार्यक्रम गर्न अनुमति दिनेलाई समेत कारवाही गर्न मोर्चाले माग गरेको छ ।
मोर्चाका संयोजक दिनेश कुमार यादवद्वारा जारी विज्ञप्तिमा अनिश्चितकालिन आमहड्तालमा सहयोग गर्न सबैसंग माग गरिएको छ भने नेकपा एमालेलाई सप्तरी जिल्लामा सामाजिक बहिस्कार गर्न आह्वान गरिएको छ ।
.gif)
