साताको चौथो दिन बुधबार पनि बजारमा तिब्र उतार चढाव देखिएको छ । तिब्र उतार चढावका बिच १५ सय माथि उक्लेको बजार अन्त्यमा केहि ओरालो लाग्दै १८.८५ अंकले बढेर १४८१.०८ को बिन्दुमा पुग्दा १ अर्ब ३७ करोडको कारोबार भएको छ।
बुधबार कारोबारमा आएका १४७ कम्पनीका २५ लाख ११ हजार सेयर खरिद बिक्रिबाट १ अर्ब ३७ करोड २२ लाख रुपैयाँको कारोबार भएको छ। आजको कारोबारमा आज नै बुक क्लोज मिति घोषणा गरेको सानिमा बैंकको ७ करोड २० लाख रुपैयाँको कारोबार भएको छ। आज अन्य बढी कारोबार हुनेमा नेपाल बैंक लिमिटेड, नेपाल क्रेडिट एण्ड कर्मश, नेपाल बंगलादेश बैंक लगायतका छन।
लगातार तेस्रो दिन शेयर बजारमा १ अर्ब बढीको कारोबार देखिनुले लगानीकर्तामा हौसला जगाएको छ। ठुला साथ साथै संस्थागत लगानीकर्ता पनि बजारमा प्रवेश गरेको र उनिहरुसंगै साना लगानीकर्ताले शयर खरिद बिक्रि गर्दा बजारमा रौनक छाएको हो ।
आज कारोबारमा आएका सूचक मध्ये इन्स्योरेन्स बाहेकका सूचक बढेका छन् ।
आज ९ कम्पनीका शेयर धनीले करिब १० प्रतिसत कमाएका छन् भने राप्तिभेरी विकाश बैंकका लगानीकर्ताले सर्बाधिक गुमाएका छन् ।