.gif)
राष्ट्रपतिका कारण आज उपत्यकाको सवारी आवागमन प्रभावित हुने भएको छ । राष्ट्रपति लगायतका उच्चविशिष्ट व्यक्तित्वहरु आज अन्तर्राष्ट्रिय सम्मेलन केन्द्र नयाँबानेश्वर जाने कार्यक्रम रहेको हुदा सवारी आवागमन प्रभावित हुने भएको हो ।
महानगरीय ट्राफिक प्रहरी महाशाखाका अनुसार आज दिउँसो ३:३० बजेदेखि महाराजगंज–लाजिम्पाट–लैनचौर–केशरमहल–दरबारमार्ग–जमल–न्यूरोड–भद्रकाली–सिंहदरबार–माईतिघर–नयाँबानेश्वर सम्मका सडकहरु प्रभावित हुने छन् । यो रुटमा चल्ने सवारीलाई बैकल्पिक बाटो प्रयोग गर्न महाशाखाले आग्रह गरेको छ । बैकल्पिक बाटोको रुपमा महाशाखाले महाराजगंज–बालुवाटार–नक्साल–जयनेपाल–कमलपोखरी–पुलतीसडक–अनामनगर– थापागाउँ वा चक्रपथको बाटो प्रयोग गर्न आग्रह गरेको हो ।
महाशाखाले बैकल्पिक बाटो प्रयोग गरी ट्राफिक व्यवस्थापन कार्यमा सहयोग गर्न अपिल गरेको छ । साथै बिस्तृत जानकारीका लागि महानगरीय ट्राफिक प्रहरी महाशाखाको फोन नं. १०३ मा सम्पर्क गर्न हुन समेत महाशाखाले अनुरोध गरेको छ ।
नेपाल सरकारको आगामी आर्थिक बर्षको नीति तथा कार्यक्रम प्रस्तुत गर्न राष्ट्रपति लगायतका विशिष्टहरु संसद भवन नयाँ बानेश्वर जाने भएका हुन् । राष्ट्रपतिले संघीय संसदको दुवै सदनको संयुक्त बैठकमा नीति तथा कार्यक्रम पेश गर्ने छिन् । साथै राष्ट्रपतिले नीति तथा कार्यक्रम पेश गरिसकेर शीतलनिवास फर्कदा पनि उल्लेखित रुटमा सवारी आवागमन बन्द हुने छ।
.gif)
