बनेपामा एक महिला माथि सिरिन्ज आक्रमण भएको छ । बनेपा नगरपालिका– ८ करुणा मार्गमा ठमेल घर भई बनेपामा बस्दै आएकी ३४ बर्षीय महिला माथि सिरिन्ज आक्रमन भएको हो । सिरिन्ज आक्रमण भएको भन्दै उनले इलाका प्रहरी कार्यालयमा उजुरी दिएकी छिन् ।
उनले एक युवतीले नै आफुलाई सिरिन्ज प्रहार गरेको बताएकी छिन् । मंगलबार राति सवा ८ बजे घर फर्कँदै गर्दा बाटोमा अपरिचित युवतीले धक्का दिदै हातमा सिरिन्ज हानेर फरार भएकी उनले बताएकी छिन्।
सिरिन्ज हानेको ठाउँमा दुखेको, हात मर्काउँदै एक्सरसाईज गर्दा झन् दुखेको उनले बताएको छिन् । मेडिकलवालाले सियो घोपेको जस्तो देखियो भनेपछि आफु आतिएँको उनले बताइन ।
राजधानीमा ५ जनाले आफु माथि सिरिन्ज आक्रमण भएको भन्दै ५ जनाले प्रहरी समक्ष उजुरी दिएका छन् ।राजधानी बाहिर भने पहिलो पटक यस्तो घटना देखिएको हो ।
