सञ्चार तथा सूचना प्रविधिमन्त्री गोकुल बास्कोटाले मन्त्री फेर्ने हल्ला निराधार भएको टिप्पणी गरेका छन् । बिहीबार मन्त्रालयमा आयोजित पत्रकार सम्मेलनमा मन्त्री बास्कोटाले वर्तमान सरकारका मन्त्रीहरु सबै इमानदार भएको दाबी गर्दै तैपनि प्धानमन्त्रीले मूल्याङ्कन गरिहेको हुनसक्ने बताए । मन्त्री फेर्ने नफेर्ने कुरा प्रधानमन्त्रीको अधिकारको कुरा भएको उनको भनाई छ ।
सरकारका प्रवक्ता समेत रहेका मन्त्री बास्कोटाले मन्त्रीमण्डल फेरबदलको कुरा कहिलेकाहीँ चल्नु सामान्य भएपनि निरन्तर चलिरहनुलाई सामान्य रुपम ालिन नसकिने बताए । मन्त्रीहरूले इमानदार रहेको दोहोर्याउदै बास्कोटाले भने, ‘एउटै कक्षामा पढेका विद्यार्थीको पनि समान क्षमता हुँदैन, मन्त्रीहरूको पनि उस्तै हो । प्रधानमन्त्री ज्यूले मूल्याङ्कन गर्नुभएकै होला ।”