नेपाल क्रिकेट संघ (क्यान) ले विश्व क्रिकेटको ऐतिहासिक मेरिलेबोन क्रिकेट क्लब (एमसीसी) विरुद्धको सिरिजका लागि नेपालले राष्ट्रिय टिम घोषणा गरेको छ। क्यानले पहिलो श्रेणी, टी–२० र एकदिवसीय गरी ३ वटा टिम घोषणा गरेको हो।
तीनै टिमको कप्तानी ज्ञानेन्द्र मल्लले गर्नेछन्। तीन वटै टिममा कप्तान ज्ञानेन्द्रसहित आरिफ शेख, दीपेन्द्रसिंह ऐरी, विनोद भण्डारी, करण केसी, ललितनारायण राजवंशी, सन्दीप लामिछाने र सोमपाल कामी गरी ८ खेलाडीले स्थान पाएका छन्। पुर्व कप्तान पारस खड्का भने एउटा टिममा मात्र परेका छन् । उनी एक दिवसिय टिममा रहेका छन् ।
कप्तान खड्काले यस अघिको टि २० मा सिंगापुर बिरुद्द शतक प्रहार गरेका थिए । टोलीले टार्गेट चेज गर्दा कप्तानले शतक बनाएको रेकर्ड समेत खड्काले बनाएका थिए । तर पनि उनी टि २० टिममा परेका छैनन् ।
लन्डनको क्रिकेट क्लब एमसिसी शुक्रबार नेपाल आउदै छ । उक्त टोलीले नेपालसंग कात्तिक १८ गतेदेखि नेपालविरुद्ध ५० ओभर, टी–२० र तीनदिवसीय खेल खेल्दैछ।
यस्तो छ एमसिसीको भ्रमण तालिका
कात्तिक १८ गते – नेपाल यु–१९ भर्सेस एमसिसी (५० ओभर)
कात्तिक १९ गते – नेपाल भर्सेस एमसिसी (५० ओभर)
कात्तिक २१ देखि २३ सम्म – नेपाल भर्सेस एमसिसी (तीनदिवसीय– पहिलो श्रेणी)
कात्तिक २४ गते – नेपालको मिश्रित टिम भर्सेस एमसिसी (टी–१०)
यस्तो छ नेपाली टिम