कोपा अमेरिका फुटबलमा कोलम्बिया तेस्रो भएको छ । पेरूलाई ३–२ गोल अन्तरले पराजित गर्दै कोलम्बिया कोपा अमेरिका २०२१ मा तेस्रो भएको हो ।
कोलम्बियाको जितमा लुइस डियाजले २ र जुवान क्वाड्राडोले १ गोल गरे । शनिबार बिहान ब्रासिलियामा भएको खेलको पहिलो हाफमा पेरुले १–० को अग्रता लिएको थियो । अन्तिम मिनेटमा योशिमर योटुनले गोल गर्दै टिमलाई अग्रता दिलाएका थिए ।
दोस्रो हाफ सुरु भएको ४ मिनेट अर्थात् ४९औं मिनेटमा कोलम्बियाका लागि क्वाड्राडोले बराबरी गोल फर्काए । डियाजले ६६औं मिनेटमा गोल गर्दै कोलम्बियालाई २–१ स्थितीमा ल्याए । तर, ८२औं मिनेटमा जियानलुका लापाडुलालले गोल गरेपछि खेल २–२ अवस्थामा पुग्यो ।
तर, इन्जुरी समयमा डियाजले व्यक्तिगत दोस्रो गोल गरेपछि कोलम्बियाका लागि ३–२ ले विजयी भयो ।