साफ च्याम्पियनसिप फुटबलमा उपविजेता बनेको नेपाली राष्ट्रिय फुटबल टोलीका खेलाडीहरुले जानही पाँच पाँच लाख रुपैयाँ पाउने भएका छन् ।
सञ्चार तथा सूचना प्रविधिमन्त्री ज्ञानेन्द्रबहादुर कार्कीका अनुसार मन्त्रिपरिषद्को सोमबारको बैठकले खेलाडीहरुलाई जनही ५÷५ लाख र प्रशिक्षकहरुलाई ३÷३ लाख रुपैयाँ पुरस्कार दिने निर्णय गरेको हो ।
माल्दिभ्समा सम्पन्न साफ च्याम्पियनसिपमा नेपाल पहिलो पटक फाइनल पुगेको थियो । फाइनलमा भारतसँग पराजित बन्दै नेपाल उपविजेतामा सिमित बनेको थियो ।
नेपाली टोली सोमबार नेपाल फर्किसकेको छ ।