टी–२० विश्व कप क्रिकेटको उपाधिका लागि आज इंग्ल्याण्ड र पाकिस्तानबीच भिडन्त हुँदैछ । फाइनल खेल अष्ट्रेलियाको मेलबर्न मैदानमा आज नेपाली समय अनुसार दिउँसो १ः४५ बजे बजे सुरु हुनेछ ।
इंग्ल्याण्ड बिहीबार भारतको धुलाई गर्दै फाइनल प्रवेश गरेको हो । उसले भारतलाई १० विकेटको पराजित गर्यो ।
पाकिस्तानले भने सुरुका २ खेलमा हार बेहोरेपछि लगातार ४ जित हात पार्दै फाइनल पुग्यो । सेमिफाइनलमा न्युजिल्यान्डलाई पाकिस्तानले हराएको थियो ।