इन्टरनेट सेवा प्रदायक भायानेटले एनसेल सँगको सहकार्यमा ‘मिनी प्याक’ अफर ल्याएको छ । यो अफरअन्तर्गत भायानेटका प्रयोगकर्ताले महिनाको ८ सय रुपैयाँमा ७५ एमबीपीएसको इन्टरनेट खरिद गर्न सक्नेछन् ।
यो प्याक खरिद गर्दा प्रयोगकर्ताले एनसेलको ४८ जीबी मोबाइल डेटा भएको सिम निःशुल्क रुपमा पाउने छन् । अंग्रेजी नयाँ वर्षको सम्मुखमा कम्पनीले ल्याएको यो अफर आज आइतबारदेखि लागू भएको छ । यो अफर योजना सीमित समयसम्म मात्र उपलब्ध हुनेछ ।
प्रयोगकर्ताले एनसेलको सिममार्फत प्राप्त हुने मोबाइल डेटा प्रतिमहिना ४ जीबीका दरले प्रयोग गर्न सक्नेछन् । सँगै भायानेटको मोबाइल एप प्रयोग गर्दा भने डेटा प्रयोग गर्नुपर्ने छैन । त्यस्तै एनसेल नम्बरबाट भायानेटको कल सेन्टरमा निःशुल्क फोन गर्न सकिनेछ ।
प्रतिमहिना एनसेलबाट एनसेलमा ५० वटा एसएमएस निःशुल्क पठाउन पनि सकिनेछ ।