मंगलबारको तुलनामा बुधबार तरकारीको भाउ घटेको छ । मंगलबारको तुलनामा बुधबार अधिकांश तरकारीको मूल्य घटेको छ भने केही तरकारीको मूल्य बढेको कालिमाटी फलफुलत तथा तरकारी बजार विकास समितिले जनाएको छ ।
समितिका अनुसार बुधबार धेरै मूल्य घटने तरकारीको पहिलो सूचिमा छ घिरौला । यस दिन घिरौला ४२.११ प्रतिशतले घटेको छ । अघिल्लो दिन ९५ रुपैयाँ प्रतिकेजीका दरले कारोबार भएको घिरौला आज ५५ रुपैयाँमा झरेको छ । त्यसैगरी हरियो धनिया ३५.७१ प्रतिशतले र डल्ले च्याउ २८.८९ प्रतिशतले घटेको छ । मंगलबार हरियो धनियाको मूल्य २३३.३३ रुपैयाँ प्रतिकेजी थियो भने आज १५० रुपैयाँमा झरेको छ ।
यसैगरी डल्ले च्याउ अघिल्लो दिन ३७५ रुपैयाँ प्रतिकेजी थियो भने बुधबार २६६.६७ रुपैयाँ कयम भएको छ ।
यस्तै, यस दिन सबैभन्दा धेरै अनार १३.३३ प्रतिशतले बढेको छ । अघिल्लो दिन ३७५ रुपैयाँमा कारोबार भएको अनार प्रतिकेजी आज ४२५ रुपैयाँ कायम भएको छ । यसका साथै लोकल परवर र सानो गोलभेडा ११ प्रतिशत बढीले बढेको छ ।
हेर्नुस् कुन तरकारीको मूल्य कति बढ्यो/घट्यो :
