बैंकिङ् कसूर मुद्दामा फरार अभियुक्त पक्राउ परेका छन् । काभ्रेको पनौति घर भएका अभियुक्त रामभक्त थापालाई प्रहरी अनुसन्धान ब्यूरोले शुक्रबार पत्राउ गरेको हो ।
उनलाई कोटेश्वोरबाट पक्राउ गरेको ब्यूरोले जनाएको छ ।
प्रहरीका अनुसार उनले फर्जी कागजात पेश गरेर ८ करोड ५० लाख रुपैयाँ कर्जा लिएका थिए । क्यापिटल मर्चेन्ट तथा फाइनान्स कम्पनीका कर्मचारीलाई प्रभावमा पारेर उक्त रकम कर्जा लिएका थिए । उनले आफैले संचालन गरेको काभ्रे ब्रोइलर सप्लायर्सको नाको कम्पनीको फर्जी कागजात पेश गरेका जनाइएको छ ।
उक्त कर्जा दूरुपयोग गरी उक्त फाईनान्सलाई हानि नोक्सानी पारेको पुर्याएको भन्दै उनलाई मुद्दा परेको थियो । उनले फाईनान्सलाई ९ करोड ७ लाख ६ हजार ३८७ रुपैयाँ ७४ पैशा हानि नोक्सानी पुराएको भन्दै मुद्दा दायर भएको थियो ।
२०७१ वैशाख २९ गते साविकको पुररावेदन अदालत पाटनले ३ वर्ष कैद र विगो असूल गरी विगो बमोजिम जरीवाना हुने फैसला गरेको थियो । सो फैसलासँगै उनी फरार भएका थिए ।
प्रहरीले उनलाई काठमाडौँ जिल्ला अदालत पेश गरेको जनाइएको छ ।