प्रहरी नायव महानिरीक्षकद्वय उमेश राज जोशी र भिम प्रसाद ढकाल अतिरिक्त महानिरीक्षक पदमा बढुवा भएका छन् । आज बसेको मन्त्रिपरिषद्को बैठकले उनीहरुलाई एआईजीमा बढुवा गर्ने निर्णय गरेको हो ।
गृह मन्त्रालयको बढुवा समितिको वैशाख ३ गतेको बैठकले डिआईजी जोशी र ढकाललाई एआईजीमा बढुवा सिफारिस गर्ने निर्णय गरेको थियो ।
जोशी हाल राष्ट्रिय प्रहरी प्रशिक्षण प्रतिष्ठान महाराजगंज, काठमाण्डौमा कार्यरत छन् भने ढकाल नेपाल प्रहरी प्रधान कार्यालय प्रहरी महानिरीक्षकको सचिवालय नक्साल, काठमाण्डौमा कार्यरत छन् ।