सेन्ट्रल फाइनान्सले असोज ४ गतेदेखि हकप्रदमा अवितरित शेयर लिलाम गर्ने भएको छ । कम्पनीले ४ लाख ५६ हजार ३ सय ८ दशमलव ७२५ कित्ता संस्थापक शेयर लिलाम गर्न लागेको हो । फाइनान्सले शेयर लिलाम गर्न लागेको यो चौथो पटक हो ।
कम्पनीको प्रबन्धकमा एनआईबिएल एस क्यापिटल रहेको छ । लगानीकर्ताले असोज १२ गतेसम्म शिलबन्दी बोलपत्र पेश गर्न सक्नेछन् ।
लगानीकर्ताले बिक्री प्रबन्धकको कार्यालयहरु लाजिम्पाट, लालदरबार, लगनखेल, चिप्लेढुङ्गा पोखरा, ट्राफिकचोक बुटवल, आर्दशनगर वीरगञ्ज, वीराटनगरबाट शिलबन्दी बोलपत्र बुझाउन सकिनेछ । त्यसैगरि, इन्भेष्टमेन्ट बैंकको शाखा कार्यालयहरु सुर्खेत, नेपालगञ्ज, नारायणगढ, धनगढी र सेन्ट्रल फाईनान्सको केन्द्रीय कार्यालय कुपण्डोलबाट पनि आवेदन बुझाउन सकिने छ ।
लिलामी सेयरको न्यूनतम मूल्य १०० रुपैयाँ वा सो भन्दा बढी मूल्यमा न्युनतम एक सय कित्तादेखि दश कित्ताको गुणाङ्कमा अधिकतम कित्ताका लागि माग गर्न सकिने छ छ ।
कम्पनीले ५० प्रतिशत हकप्रद निष्काशन गर्दा यी शेयर बिक्रि नभएका हुन् ।
