मुक्तिनाथ क्यापिटल लिमिटेडका प्रमुख कार्यकारी अधिकृतकमा कविन्द्र विक्रम ध्वज जोशी नियुक्त भएका छन् । उनले आज बिहिबार क्यापिटलका अध्यक्ष सीताराम काफ्लेबाट पदभार ग्रहण गरेका छन् ।
जोशी एनआईविएल एस क्यापिटलका महाप्रबन्धकको रुपमा कार्यरत थिए । उनीसंग एनआइडिसि क्यापिटल, एस क्यापिटल, ग्रोमोर मर्चेन्ट बैंकिङ लगायत मर्चेन्ट बैकिङ क्षेत्रको दुई दशक भन्दा बढीको अनुभव छ ।
मुक्तिनाथ विकास बैंकको सहायक कम्पनीको रुपमा स्थापित मुक्तिनाथ क्यापिटल लिमिटेडले डिम्याट, पोर्टफोलियो ब्यबस्थापन, शेयर रजिस्ट्रार, इस्यु म्यानेजर, शेयर प्रत्याभूति, लगायतका मर्चेन्ट बैकिङ सम्बन्धी सम्पूर्ण कार्य गर्दै आएको छ ।