राधि बिद्युत कम्पनी लिमिटेडको साधारण सेयर मङ्सिर पहिलो साता जारि हुनेभएको छ। कम्पनी रजिष्टारको कार्यालयबाट अनुमति पाउनासाथ आइपीओ निष्काशन प्रक्रिया तिब्र रुपमा अगाडी बढ्ने कम्पनीले जनाएको छ।
कम्पनीले धितोपत्र बोर्डबाट कात्तिक ७ मा नै आइपीओ निष्काशनको अनुमति पाइसकेको छ। कम्पनीले ७ करोड ६४ लाख रुपैयाँ बराबरको ७ लाख ६४ हजार ५ सय ५० कित्ता साधारण सेयर जारी गर्ने अनुमति पाएको हो।
कम्पनीले यस अघि नै आयोजना प्रभावित लमजुङबासिका लागि गत बैशाख ५ देखि जेठ ३ सम्म साधारण सेयर निष्काशन गरिसकेको छ। स्थानीयलाई आइपीओ जारि गर्दा नबिकेको १ लाख ४९ हजार ५५० कित्ता सेयर समेत थप गरि कम्पनीले १५ प्रतिशतले हुन आउने ७ लाख ६४ हजार कित्ता आइपीओ जारि गर्न लागेको हो।
राधिको अधिकृत पुंजी १ अर्ब ५० करोड छ। कम्पनीको जारि पुंजी ४१ करोड छ। जारि पुंजी मध्ये ३० करोड ७५ लाख रुपैयाँ संस्थापक सेयरधनीबाट चुक्ता भइसकेको छ। कम्पनीले आयोजना प्रभावितलाई १० प्रतिशत सेयर बिक्रि गरिसकेको छ भने अब सर्वसाधारणमा १५ प्रतिशत बराबरको आइपीओ जारि गरि पुंजी पुर्याउने छ।
सर्वसाधारणमा आइपीओ निष्काशन पश्चात कम्पनीको सेयर संरचना संस्थापक तर्फ ७५ प्रतिशत, आयोजना प्रभावित १० प्रतिशत र साधारण तर्फ १५ प्रतिशत रहेनछ। आइपीओ निष्काशनको लागि कम्पनीको सेयर निष्काशन तथा बिक्रि प्रबन्धकमा नबिल बैंकिङ इन्भेष्टमेन्ट छ।
राधि बिद्युत कम्पनीले ४.४० मेगावाटको राधि सानो हाइड्रोपावर परियोजना संचालन गरिरहेको छ। यस परियोजनाबाट उत्पादित बिजुली जेठ ३१, २०१७ देखि नै राष्ट्रिय प्रशारण लाइनमा जोडिएको छ।
कम्पनीले अब देशभरका सर्वसाधारणका लागि उक्त सेयर निष्कासन गरेपछि कम्पनीको चुक्तापूँजी ४१ करोड रुपैयाँ पुग्नेछ ।कम्पनीको बिक्री प्रबन्धक नबिल इन्भेष्टमेण्ट बैंकिगं लिमिटेड रहेको छ ।
