स्ट्याण्डर्ड चार्टड बैंकको मूल्य समायोजन भएको छ । बैंकको १०० प्रतिशत बोनसमा आज शेयर मूल्य समायोजन भएको हो । समायोजनपछि बैंकको शेयर मूल्य ९ सय ५० कायम भएको छ । बैंकको आधार औसत मूल्य १६ सय २२ रुपियाँ रहेको छ । गत बिहिबार बैंकको शेयर १९ सय रुपियाँमा कारोबार भएको छ ।
बैंकको शत प्रतिशत बोनस सुरक्षित गर्ने पुस १३ गते अन्तिम दिन रहेको थियो । बैंकको पुष ३ मा बसेको संचालक समितिको बैठकले पुष २६ गते डाकेको साधारणसभाका लागि पुष १६ देखि पुष २६ गतेसम्मका लागि बुक क्लोज गर्ने निर्णय गरेको हो। पुस १६ गते बुक क्लोज गर्ने भएकोले आज पुस १३ गतेसम्म कायाम शेयरधनीले मात्र साधारणसभामा भाग लिन र बोनस प्राप्त गर्ने छन् । त्यस पछि आज बैंकको शेयर मूल्य समायोजन भएको हो ।
बैंकले शत प्रतिशत बोनस र कर प्रयोजनका लागि ५.२६ प्रतिशत नगद लाभांश सहित कुल १०५.२६ प्रतिशत लाभांश प्रस्ताव गरेको हो। साधारणसभाले पारित गरेपछि उक्त लाभांश शेयरधनीले प्राप्त गर्ने छन् ।
बैंकले गत आर्थिक बर्षको कमाई र जगेडा कोषको रकम उपयोग गरि शतप्रतिशत बोनस शेयर वितरण गर्न लागेको हो। शतप्रतिशत बोनस शेयर वितरण पश्चात बैंकको चुक्ता पुंजी ८ अर्ब नाघ्नेछ। बैंकले चालु आर्थिक वर्षको प्रथम त्रैमासमा ४८ करोड २५ लाख ३१ हजार रुपैया खुद मुनाफा गरेको छ।
