सिद्दार्थ इन्स्योरेन्स र ओमी माइक्रोफाइनान्सले हकप्रद निष्काशनको अनुमति पाएका छन् । धितोपत्र बोर्डले बैशाख २० गते दुवै कम्पनीलाई हकप्रद निष्काशनको अनुमाति दिएको हो ।
सिद्दार्थ इन्स्योरेन्सले १०:३.५ को अनुपातमा ३५ प्रतिशत हकप्रद निष्काशनको अनुमति पाएको हो । अब कम्पनीले २२ करोड ४४ लाखको २२ लाख ४४ हजार ९ सय ७३ कित्ता हकप्रद निष्काशन गर्ने छ । कम्पनीको बिक्रि प्रबन्धक एनएमबि क्यापिटल रहेको छ ।
हकप्रद निष्काशनपछि कम्पनीको चुक्ता पुंजी ८६ करोड ६० लाख पुग्ने छ ।
त्यस्तै ओमी माइक्रोफाइनान्सले १०:३ को अनुपातमा ३० प्रतिशत हकप्रद निष्काशनको अनुमति पाएको हो ।अब कम्पनीले २ करोड ३३ लाख २८ हजारको २ लाख ३३ हजार २ सय ८० कित्ता हकप्रद निष्काशन गर्ने छ। कम्पनीको बिक्रि प्रबन्धक सिद्दार्थ क्यापिटल रहेको छ । हकप्रद निष्काशनपछि कम्पनीको चुक्ता पुंजी १० करोड १० लाख पुग्ने छ ।
