जनसेवी लघुवित्त वित्तीय संस्थाले आईपिओ निष्काशन गर्ने भएको छ । कम्पनीले सर्वसाधारणको लागि ४ लाख २० हजार कित्ता शेयर निष्काशन गर्ने भएको हो । शेयर निष्काशनको लागि कम्पनीले एनएमबि क्यापिटल लिमिटेडलाई निष्काशन तथा बिक्री प्रबन्धकमा नियुक्त गरेको छ । आइतबार भएको बिक्री प्रबन्धक नियुक्त सम्झौतामा जनसेवी लघुविका तर्फबाट प्रमुख कार्यकारी अधिकृत कमल बहादुर खत्री तथा एनएमबि क्यापिटलका तर्फबाट प्रमुख कार्यकारी अधिकृत श्रीजेश घिमिरेले हस्ताक्षर गरेका हुन् ।
जनसेवी लघुवितले २०७२ आश्विन १२ गते नेपाल राष्ट्र बैंकबाट स्वीकृत प्राप्त गरी २०७२ कार्तिक २२ गते पर्वत जिल्लाको कुस्माबाट कारोवार सञ्चालन सुरु गरेको हो। हाल कम्पनीको अधिकृत पूँजी रु. ३० करोड र जारी पूँजी रु. १४ करोड रहेको छ । सर्वसाधारणलाई रु. ४ करोड २० लाखको शेयर निष्काशन पश्चात चुक्ता पूँजी रु. १४ करोड पुग्नेछ ।
हाल कम्पनीको पर्वत, बाग्लुङ्ग, म्याग्दी, गुल्मी, रुकुम, रोल्पा, कास्की, तनहूँ, लम्जुङ्ग र गोर्खा गरी १० जिल्ला कार्यक्षेत्र रहेको छ । चालु आर्थिक वर्षको पौष मसान्तभित्रमा नै शेयर जारी गरीसक्ने वित्तीय संस्थाले जनाएको छ ।