नेपाल स्टक एक्चेन्ज नेप्सेमा मंगलबारबाट गुराँस लघुवित्तको कारोबार खुला भएको छ । कम्पनीको GLBSL संकेतबाट कारोबार खुला भएको हो । कम्पनीको पहिलो कारोबारको लागि नेप्सेले ९२.७२ देखि २७८.१६ सम्मको सुरुवाती रेन्ज तोकेको छ । नेप्सेले कम्पनीको पहिलो कारोबारको लागि नेटवर्थको ३ गुणासम्मको रेन्ज तोक्ने गरेको छ ।
अब नेप्सेले तोकेको प्रि ओपन सेसन अर्थात ११ बजे भन्दा पहिले नै पहिलो कारोबार भएर यो रेन्जबाट मूल्य तोकिएपछि ११ बजेपछि कम्पनीको शेयरको नियमित कारोबार हुनेछ । यदि प्रि ओपन सेसनमा कारोबार नभएर मूल्य कायम नभएमा अर्को दिन पुन प्रि ओपन सेसनमा शेयरको कारोबार गर्नु पर्ने छ ।
सोमबार कम्पनीको ७ लाख ७५ हजार कित्ता आईपिओ सुचिकृत भएको हो । कम्पनीले बैशाख १६ गतेदेखि प्रति कित्ता १०० रुपैयाँका दरले दुई लाख ५० हजार कित्ता आइपीओ निष्काशन गरेको थियो ।
आईपिओ निष्काशन पश्चात कम्पनीको चुक्ता पुंजी ७ करोड ७५ लाख पुगेको छ। लघुवित्त २०७३ सालमा स्थापना भई प्रदेश १ मा केन्द्रित रहेर त्यहाँका १० जिल्लामा २२ वटा शाखा मार्फत ११ हजार बढी सदस्यहरुलाई लघुवित्त सेवा प्रदान गर्दै आएको छ।