एनआईबिएल एस क्यापिटलको काठमाडौँ स्थिति लालदरबारमा रहेको शाखा सरेको छ । कम्पनीले लालदरबारको शाखालाई पुतलिसडकमा स्थानान्तरण गरेको छ । नेपाल इन्भेस्टमेन्ट बैंकको पुतलीसडक शाखा रहेकै परिसरमा क्यापिटलको शाखा आएको हो । स्थानान्तरण गरिएको शाखा आजदेखि पूर्ण रुपमा सञ्चालनमा आएको कम्पनीले जनाएको छ ।
कम्पनीले मर्चेन्ट बैंकिङ्ग अन्तर्गतका सम्पूर्ण सेवाहरु तथा सामूहिक लगानी कोष सेवाहरु विभिन्न संस्थाहरु लगायत सर्वसाधारणहरुलाई प्रदान गर्दै आइरहेको छ । कम्पनीले निष्काशन तथा बिक्री प्रबन्ध, शेयर रजिष्ट्रेशन, धितोपत्र प्रत्याभूती, लगानी व्यवस्थापन, निक्षेप सदस्य र सामुहिक लगानी कोष अन्तर्गतका सेवा प्रदान गर्दै आएको छ ।कम्पनीको शाखा ललितपुरको लगनखेल, पोखराको चिप्लेढुङ्गा, विरगंज, विराटनगर र बुटवलमा पनि रहेको छ ।